First booking? Code WELCOME100 gives ₹100 off
THE MAKEOVER Cart 0
👩 THE MAKEOVER PARTNER

Partner terms & guide

Kaam kaise milta hai, paisa kaise milta hai, aur hamare niyam. Join karne se pehle zaroor padhein.

Kaam kaise milta hai • Work terms • Payment terms • Cancel & katauti • Privacy • Contact

1. Kaam kaise milta hai (job accept karna)

  1. Aapko apni kaam wali location se maximum 10 km tak ke job milte hain. Apply karte waqt aur partner app mein location sahi daalein. Location ke bina paas wale job pehle nahi milte, sirf aakhri round mein milte hain.
  2. Naya booking aate hi customer ke paas wali ranking ki top 3 partners ko offer jaata hai. Accept karne ke liye 5 minute milte hain. Koi accept na kare to agli 3 partners ko jaata hai.
  3. Ranking (score 100 mein se): customer rating 60%, poore kiye kaam 20%, job accept karna 20%. Upar wali partner ko job pehle milta hai. Apni ranking partner app mein dekhein.
  4. Job accept karte hi woh time aapke liye lock ho jaata hai. Us time par doosra job nahi milega.
  5. Job wale din: 📸 selfie lein → 🛵 "On the way" dabayein → ghar pahunch kar "Start" → kaam ke baad "Done". Customer ko har step live dikhta hai.
  6. Partner app aur Telegram par job ki yaad (reminder) aati hai. Telegram connect karna free hai.

2. Work terms (kaam ke niyam)

  1. Sirf mahila beauticians. Documents (PAN, masked Aadhaar, certificate, face selfie, full-length photo) verify hone ke baad hi account approve hota hai (2 se 3 din).
  2. Sirf verified, branded aur achhe products use karein. Expired ya bina brand ka product kabhi nahi.
  3. Time par pahunchein. 90 minute se zyada late hone par customer ko poora refund mil sakta hai.
  4. Customer se seedha booking lena, apna number dena ya bahar se paisa lena mana hai. Aisa karne par account band ho sakta hai.
  5. Customer ke ghar ki privacy ka dhyan rakhein. Photo / video sirf customer ki ijazat se.
  6. Kisi bhi khatre mein partner app ka 🔴 SOS button dabayein. Hamari team turant call karegi.
  7. Complaint aane par jaanch tak account 24 ghante / 3 din / 7 din ya hamesha ke liye rok (restrict) sakte hain. Wajah aapko batayi jaati hai.

3. Payment terms (paisa kaise milta hai)

  1. Customer ke booking amount se pehle 5% GST kat-ta hai. Baaki ka 85% aapki kamai hai (bade booking par % alag ho sakta hai, app mein har job ke saath dikhta hai).
  2. Example: booking ₹1,050 → GST ke baad ₹1,000 → aapko ₹850.
  3. Customer 5★ de to 5% extra bonus. Tip 100% aapki.
  4. Hafta Tuesday se Monday tak. Har Tuesday pichhle hafte ki kamai ka 50% milta hai, aur 50% ek hafta hold rehta hai (complaint / refund ke liye). Agle Tuesday woh hold bhi mil jaata hai.
  5. Paisa aapke UPI ID ya bank account mein aata hai. Partner app → Payment details mein UPI ID daalna zaroori hai.
  6. Har entry ka hisaab partner app → 📊 Mera hisaab mein: booking amount, GST, aapka %, bonus, tip, katauti, aur payout. Last 4 hafte tak.
  7. Joining fee: ₹99 (ek baar, document verification aur training ke liye). Verification shuru hone ke baad wapas nahi hoti.

4. Cancel, complaint aur katauti

  1. Customer der se cancel kare to cancellation fee ka 50% aapko milta hai ("Cancel ka paisa").
  2. Aapki galti se booking cancel ho (nahi aayi, aakhri time par mana kiya, ya bina bataye late), to us booking ka POORA booking amount aapke hisaab se katega. Ye partner app mein "Katauti" mein dikhega aur agle payout mein apne aap kat jayega.
  3. Customer ki sahi complaint par refund ho to us job ki kamai / bonus wapas kat sakti hai. Har katauti ki wajah app mein likhi hoti hai.
  4. Katauti aapki kamai se zyada ho to balance minus mein dikhega aur aage ki kamai se adjust hoga.
  5. Kisi katauti se asahmat hon to 7 din ke andar partner help line par baat karein.

5. Privacy (aapka data)

  1. Hum aapka naam, mobile, address, kaam ki location, documents, photo aur UPI / bank details rakhte hain, sirf verification, job bhejne aur payment ke liye.
  2. Customer ko sirf aapka pehla naam, rating aur job wali selfie dikhti hai. Aapka number, address ya documents kabhi nahi.
  3. Location sirf job bhejne (doori) ke liye use hoti hai. Doosri partners ko aapka number nahi dikhta.
  4. Account band karna ho to help line par batayein. Kanooni zaroorat wala data chhod kar baaki hata diya jayega.

6. Contact

📞 Partner help line: 7877225085 (call / WhatsApp)

🏢 The Makeover office (customers, admin, operations): 7976736389

✉️ themakeover.2026@gmail.com

✨ Apply as partner

Pick time